معجزات افا مينا المتنيح

تبكى ولا تتعزى
-------------------------

يقول أب كاهن عن ابنة له فى الاعتراف كان عمرها 17 عاما ومع بلوغها هذا السن الا انها لم تكن تعرف شيئا عن الخطية وحياة الشر , طاهرة القلب والفكر والجسد معا , اخذت بركة مرض الفردوس وانتقلت سريعا...

ظلت امها تبكى عليها لشهور وترفض ان تتعزى ابدا .. ثم ذهبت فى رحلة الى دير مارمينا , وعندما وصلت الى مزار الانبا مينا انفجرت فى البكاء بصوت عال تعاتب الله والقديسين , وظلت هكذا لعدة ساعات ثم انصرفت عائدة الى منزلها ....

وفى مساء هذا اليوم جاء اليها الانبا مينا افامينا ورأته بشكل واضح فقال لها :

" انت قلقتينى وعرتينى بدموعك , ليه الحزن ده كله على بنتك , ثم احضر لها ابنتها فرأتها فى ثوب ابيض ووجه مضئ فرحة تسبح مع كل القديسين , ثم قال لها " اديكى ياستى اطمئنتى على بنتك , خلاص بقه مفيش دموع تانى " , ثم اختفى عنها ...

سيدة من ميت غمر " غير مسيحية "
------------------------------------------------

بعد نياحة سيدنا بأيام قليلة , كانت هناك سيدة تشكو من الم شديد برأسها ثم فقدت الحركة بقدميها , وهى شابة متزوجة ولها اطفال , ولم يعرف اى طبيب تشخيص حالتها او علاجها ... فظلت تجلس اغلب وقتها على كرسى خاص بمنزلها , وطلبت شفاعة بعض القديسين الذين سمعت عنهم ....

وعند منتصف الليل جاء اليها بشكل مرئى " رؤيا " الانبا مينا افامينا وهو يرتدى ملابس الخدمة البيضاء , واقترب منها وهو يقول لها انا جاى علشان التعب اللى عندك , ثم امسك برأسها وضغط بشدة , كان هذا المكان هو اشد الاماكن الما .. فصرخت من شدة الالم ونادت على زوجها " يامجدى تعالى شوف مين ده اللى عمال يضغط على رأسى " ...

استيقظ زوجها وجاء اليها فلم يرى احدا , فقال لزوجته " فين اللى بيضغط على رأسك , انا مش شايف حد ؟ " فقالت له " هو مشى دلوقتى " ....

وبعد ان هدأت قالت لزوجها " فى حاجة غريبة حصلت , الالم الشديد اللى فى رأسى راح خالص لكن رجلى زى ما هية " ....

على اثر صراخ هذه السيدة جاء اليها بعض الجيران المسيحين وظل الجميع يطلبون منها ان تصف لهم القديس الذى اتى اليها وهى لم تعرفه وبالتالى لم تطلبه , فلم تستطيع ان تتعرف عليه من خلال مجموعة من صور القديسين ... احضرت اليها زوجة كاهن يسكن فى نفس المنزل صورة الانبا مينا بالملابس السوداء فقالت " هو فيه شبه , بس اللى جالى كان لابس ابيض " ..

تركها الجميع لتستريح ولكنها ظلت تنظر الى رجليها وتسأل فى حيرة " طيب مش كان القديس ده يكمل عمله ويشفى رجلى كمان ؟؟؟ " ...

وصلت الساعة الى الرابعة صباحا وهذه الام جالسة وجفونها لا تنعس من اشتياقها لكى يكمل الرب عمله معها بواسطة هذا القديس الذى لا تعرفه ...

واثناء هذه ظهر لها الانبا مينا مرة اخرى وقال لها :

" انا الانبا مينا افامينا , جيت علشان اكمل الشفاء فى رجليك , لكن بلاش الصوت العالى والصراخ اللى عملتيه قبل كده ... فقالت له فرحة " حاضر ياسيدنا " ولمس رجليها وقال لها " خلاص انت كويسة دلوقتى , استريحى شوية وبعدين قومى صحى جوزك واولادك علشان يروحوا مدارسهم " ...

وغاب الشلل والالم معا وفرح الجميع بعمل الله الذى تممه بقديسه الانبا مينا افامينا , واستأجرت الاسرة اتوبيس للذهاب الى دير مارمينا وعمل تمجيد لانبا مينا وسجلت المعجزة بالدير ...